Nationalمسلم دنیا

یہ بزرگوں کی نشانی

یہ بزرگوں کی نشانی
عظمتوں کی یہ کہانی
اپنے خوں سے ہم کریں گے
اس وطن کی پاسبانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس کی مٹی محترم ہے
بالقیں رشک ارم ہے
یہ خدا کا اک کرم ہے
یہ ہے ان کی مہربانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اس سے نسبت کیا ہماری
یہ ہے گویا ماں ہماری
کٹ مریں گے اس کی خاطر
جان ہے تو آنی جانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سب نے اک نعرہ سنا تھا
میرے قائد کی زبانی
تیرا آئیں ہوگا قرآں
ہوگا دستور آسمانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رب نے تجھ کو سب ہے بخشا
کھیت زرخیز اور صحرا
اور کئے سینے پہ رقصاں
میٹھے دریا، گرم پانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تیرے نغمے کیا لکھوں میں
خون سے مصرع لکھوں میں
پھر بھی نہ ہو پائے گی لطف
میرے دل کی ترجمانی
یہ بزرگوں کی نشانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شاعر: لطیف الرحمن لطف

وطن کی محبت عقل و شرع کی روشنی میں

Related Articles

Leave a Reply

Your email address will not be published. Required fields are marked *

Back to top button