Latest

جماعت دہم کے سالانہ امتحانی فارم جمع کرانے کا شیڈول جاری

جماعت دہم کے سالانہ امتحانی فارم جمع کرانے کا شیڈول جاری

کراچی، ویب ڈیسک؛ ثانوی تعلیمی بورڈ کراچی نے جماعت دہم سائنس و جنرل گروپ ریگولر اور پرائیویٹ کے سالانہ امتحانی فارم سال 2023 کے جمع کرانے کا شیڈول جاری کر دیا ہے۔

سائنس و جنرل گروپ کے طلباء وطالبات 2 جنوری سے 31 جنوری تک فارم جمع کرا سکتے ہیں

میٹرک بورڈ کے چیئرمین سید شرف علی شاہ کے مطابق سالانہ امتحانی فارم اور آن لائن فارم 2جنوری سے 31 جنوری 2023 تک بغیر لیٹ فیس کے ساتھ وصول کئے جائیں گے انہوں نے مزید کہا کہ سائنس و جنرل گروپ ریگولر کے طلباء و طالبات کے امتحانی فارم بورڈ ہذا کے اکاؤنٹس سیکشن میں جمع ہوں گے اور فارم کے ساتھ پریکٹیکل سیکشن سے جاری کردہ سوالنامہ کی فوٹو کاپی منسلک کرنا ضروری ہے ۔

سرکاری اسکولوں کے لئے کوئی فیس نہیں

پرائیویٹ طلباء و طالبات بورڈ آفس بوتھ اور بورڈ سے ملحق بینکوں سے امتحانی فارم حاصل کر کے متعلقہ سیکشن سے تصدیق کرانے کے بعد جمع کرا سکتے ہیں۔ ثانوی تعلیمی بورڈ کی جانب سے سرکاری اسکولوں کو بھی ہدایت کی گئی ہے کہ وہ امتحانی فارم بغیر کسی فیس کے دیئے گئے شیڈول کے مطابق لازمی جمع کرا دیں۔

لیٹ فیس کی تفصیل

یکم فروری سے 14فروری تک200 روپے،15 فروری سے 21 فروری تک500 روپے،22 فروری سے28فروری تک800 روپے، یکم مارچ سے 7 مارچ تک 1200 روپے،8 مارچ سے 14 مارچ تک 1500 روپے،15 مارچ سے21 مارچ تک1800روپے اورآخری تاریخ گزرنے کے بعد2500 روپے لیٹ فیس کے ساتھ امتحانی فارم جمع کئے جائیں گے۔

ثانوی تعلیمی بورڈ کے اعلامیے میں تمام الحاق شدہ تعلیمی اداروں کے سربراہان سے کہا گیا ہے کہ وہ اپنے اتھارٹی لیٹر، بورڈ سے الحاق و نئے الحاق شدہ اسکول2022-2023 سرٹیفکیٹ کی کاپی اور سیکرٹری بورڈ کے نام پے آرڈر (100روپے) فی فارم ایگزامینشن اسٹور سے حاصل کرسکتے ہیں۔

فارم اجتماعی طور پر جمع کرائیں ،طلباء کو بورڈ نہ بھیجیں ،چئرمین بورڈ کی ہدایت

چیئرمین میٹرک بورڈ کے مطابق تمام گورنمنٹ اسکول، بلدیہ، میونسپل کارپوریشن اور لیبر ڈپارٹمنٹ کے ماتحت آنے والے اسکول بغیر کسی فیس کے امتحانی فارم اپنے تصدیق شدہ گورنمنٹ اسکول کے اتھارٹی لیٹر اور انرولمنٹ رسید کی فوٹو کاپی کے ساتھ امتحانی فارم اکاؤنٹس سیکشن سے رسید بنوانے کے بعد ایگزامینشن اسٹور سے لے سکتے ہیں اور اسی شیڈول کے مطابق جمع بھی کرا سکتے ہیں۔
اسکولوں کے سربراہان سے مزید کہا گیا ہے کہ فارم کو جمع کرانے کیلئے طلباء و طالبات کو انفرادی طور پر بورڈ نہ بھیجا جائے بلکہ تمام طلباء و طالبات کے امتحانی فارم ایک ساتھ تعلیمی ادارے کی جانب سے جمع کرائے جائیں۔

یہ بھی پڑھیں

لاہور کے تعلیمی اداروں کی سرمائی تعطیلات میں سات روز کی توسیع

Related Articles

Leave a Reply

Your email address will not be published. Required fields are marked *

Back to top button